Mariglen Plesati, shoferi personal i Drejtorit të Urgjencës, Skënder Brataj, është vaksinuar ditën e sotme në ambientet e Air Albania Stadium.
Aktivisti Genc Sejko ka denoncuar këtë fakt, duke bërë ironi me iniciativën e qeverisë për vaksinimin e personaliteteve.
“Vazhdon vaksinimi i personaliteteve. Merr dozën e parë shoferi i drejtorit të urgjencës,” shkruan Sejko, i cili shpërndan foton e Mariglen Plesatit, pasi mori dozën e vaksinës.
Nuk dihet se me çfarë statusi shoferi i Kreut të Urgjencës Kombëtare ka marrë vaksinën, si personel në vijën e parë të asaj që quhet lufta me Covid-19, si personalitet apo si 80 vjeçar. Nëse e ka marrë si shofer, atëherë të gjithë shoferët e ambulancave duhet të vaksinohen, ndërkohë që deri më tani sipas të dhënave zyrtare dozat e vaksinave i kanë marrë mjekët e vijës së parë, pensionistët në shtëpitë e të moshuarve dhe disa personalitete.
