Mentor Mazrekaj padyshim është “zbulimi” i sezonit në Superligë. I rikthyer nga Kosova kur mendonte të linte karrierën, 32 vjeçari ka shkëlqyer me fanellën e Laçit.
Anësori ishte ndër më të mirët edhe në ndeshjen e fundit fituar 1-0 me Kastriotin, teksa mbeti i dëmtuar. Pas ndeshjes, trajneri i Laçi, Shpëtim Duro tregoi se kosovari ka një tërheqje muskulare dhe pritet që gjithçka të qartësohet pas testeve mjekësore.
Me gjasë, për sfidën e javës së 21 ndaj Partizanit, Mazrekaj mund të jetë jashtë. Një koeçidencë që e mban jashtë lojtarin ndaj ish-skuadrës së tij.
