Dalin pozitiv me koronavirus, 8 mësues brenda një dite në shkollën 9-vjecare “Meleq Gosnishti” në Patos, çka ka detyruar Zyrën e Arsimit të marrë masa për vazhdimin e mësimit on line për rreth 180 nxënës të ciklit të dytë, nga klasa e 6 deri në të 9.
Tamponit pozitiv nuk i ka shpëtuar as drejtoresha e shkollës. Burime të sigurta kanë bërë me dije se sot në shkolle, pas javës së mësimit on line, janë rikthyer vetëm një pjesë e nxënësve të ciklit fillor, në bazë të skenarit të përcaktuar.
Vendimmarrja për kthimin e mësimit on line për ciklin e dytë të nxënësve të kësaj shkolle ka ardhur si nga drejtues të arsimit, ashtu edhe ata të shëndetësisë. Është rasti i parë në Patos, që pas nisjes së pandemisë, ku rezultojnë pozitiv me Covid një numër kaq i madh mësuesish brenda një dite, duke çuar në ndryshimin e rrjedhës normale të mësimit në këtë periudhë.
Mësimi për nxënësit e ciklit të dytë do të vazhdoj on-line për dy jave, për të pritur më pas edhe vendimmarrjen që do të merret.
Nga ana e bashkisë së Patosit janë marrë pasat për dezinfektimin e mjediseve të shkollës dhe territorit që e rrethon atë.
Pothuajse çdo ditë, mësues e nxënës rezultojnë pozitiv me Covid-19 në Fier, duke e renditur qarkun e dytë në rang vendi për nga numri i të prekurve.
