Një atentat i organizuar ndaj autokolonës së Kombeve të Bashkuara në Kongo ka qenë fatalë për ambasadorin italian Luca Attanasio.
Mediat ndërkombëtare bëjnë me dije se ambasadori Attanasio po udhëtonte me karvanin e ndihmave ushqimore të Organizatës së Kombeve të Bashkuara në qytetin Kanyamahoro, kur është sulmuar nga disa persona dhe si pasojë ka mbetur i vdekur në vend.
Dyshohet se personat kanë patur për qëllim t’i marrin peng. Gjatë konfliktit me armë dhe ndërhyrjes së forcave të sigurisë, ambasadori italian dhe një polic kanë mbetur të vrarë.
