Një 32-vjeçare shtatzënë nga Elbasani e infektuar me COVID-19 ka ndërruar jetën ditën e sotme në spitalin “Covid 2” në kryeqytet.
Për shkak të gjendjes së rënduar, mjekët janë detyruar që të nxjerrin foshnjën me ndërhyrje cezariane, edhe pse në muajin e shtatë. Gruaja nuk ka mundur të mbijetojë, por fëmija gëzon shëndet të plotë. Ajo ndodhej e shtruar prej disa ditësh dhe nuk kishte sëmundje të tjera shoqëruese.
Po sot, në spitalin “Shefqet Ndroqi, një 17-vjeçar me Covid dhe pa sëmundje shoqëruese, humbi jetën.
Sipas ekspertëve, në Shqipëri ka dyshime të forta që kanë hyrë dy mutacionet e tjera të virusit covid-19, ai britanik dhe ai më i rëndi i Afrikës së Jugut. Autoritetet kanë dërguar disa mostra në Britani, për tu analizuar në mënyrë që të dalin në konfirmim zyrtarë lidhur me variantet e reja në vendin tonë. Sipas ekspertëve, kjo shpjegon edhe infektimet e larta, si dhe rritjen e fataliteteve në Shqipëri.
