Fundjava që sapo lamë pas ka shënuar një rritje të frikshme të rasteve të prekurve me Covid-19 në qytetin e Kuçovës.
Edhe ditën e djeshme në këtë qytet u regjistruan 48 raste të reja ndërsa sot numri i rasteve të reja ditore në Kuçovë ka shkuar në 57, ndërkohë që numri i rasteve ditore në rang qarku në 24-orët e fundit ka qënë 70 raste: 9 raste të reja në Berat, 4 raste në Urë-Vajgurore, 1 rast në Skrapar dhe 1 rast në Poliçan.
Mes të prekurve me Coronavirus regjistrohen: mësues, nxënës, edukatore, infermierë, punonjës institucionesh vendore dhe të infektuar në biznese private. 4 mësues dhe 3 nxënës në shkollën 9-vjeçare në fshatin Lumas në rrethin e Kuçovës, 2 mësuese dhe 3 nxënës në gjimnazin “5 Tetori” në Kuçovë, 1 nxënës në gjimnazin “Babë Dudë Karbunara” në Berat, 2 mësuese në shkollën “Zihni Toska” në Berat, 2 edukatore në fshatin “Tapi” në Kuçovë, 2 infermiere në fshtrat Kutalli e Cukalat në Urë-Vajgurore, 2 punonjës në OSHEE-së në Kuçovë, 2 punonjëse fasonerie në Kuçovë dhe 3 punonjës fastfoodesh rezultojnë mes rasteve pozitive të reghistruara në 24-orët e fundit në qarkun e Beratit.
Rastet e të prekurve me Covid-19 rezultojnë të të gjitha moshave, duke filluar nga 19-68 vjeç, ndërkohë që numri i rasteve aktive në qarkun e Beratit ka arritur në 1017.
