Florian Marku mundi me KO teknik Rylan Charlton, duke siguruar një tjetër fitore të rëndësishme në karrierën e tij si boksier, në një ndeshje për peshat e lehta, të zhvilluar të shtunën në mbrëmje në Britaninë e Madhe.
Marku u rrëzua vetë në tapet në raundin e gjashtë, por arriti të ringrihej dhe të grushtonte fort, duke i shkaktuar dëme të mëdha kundërshtarit dhe duke detyruar stafin e tij të hidhte peshqirin në ring, për të njoftuar dorëzimin.
E për habi të të gjithëve, peshqiri i hedhur nga skuadra e Charlton përfundoi në kokën e Markut, që e mbajti si një kapele për të treguar triumfin e tij.
Kjo ishte fitorja e tetë e shqiptarit në nëntë ndeshje boksi që ka zhvilluar deri tani. Ndërsa në Artet Marciale Mikse, MMA, ka zhvilluar 46 takime dhe ka fituar 43. /A2
https://twitter.com/DAZNBoxing/status/1363253737263951874?ref_src=twsrc%5Etfw%7Ctwcamp%5Etweetembed%7Ctwterm%5E1363253737263951874%7Ctwgr%5E%7Ctwcon%5Es1_&ref_url=https%3A%2F%2Fa2news.com%2F2021%2F02%2F21%2Fkundershtari-dorezohet-marku-vendos-peshqirin-e-tij-si-kapele-ne-koke%2F
