Zbardhen të tjera detaje nga atentati me armë zjarri ndaj Taulant Pepaj, mesditën e sotme në Shkodër.
Burime bëjnë me dije se policia ka identifikuar dhe ka shpallur në kërkim 3 persona, të cilët dyshohet se janë autorë të ngjarjes.
Ato janë Esmeraldo Hato, Sehar Xhenje dhe vëllai i tij.
Mësohet se nga këqyrja e kamerave të sigurisë, autorët janë larguar me dy automjete nga vendngjarja.
30-vjeçari rezulton me rekorde kriminale.
Në 2017-n është arrestuar pasi plagosi me armë zjarri një 22-vjeçar në lagjen “Bacallek”, Shkodër, pas një konflikti të çastit.
Risjellim në vëmendje se ngjarja ka ndodhur mesditën e sotme pranë repartit të zjarrfikësve, në lagjen “Skanderbeg”, ku i riu Taulant Pepaj shpëtoi pa u prekur nga plumbat.
