Janë luajtur ditën e sotme 4 takime të vlefshme për javën e 10-të në Kategorinë e Dytë. Festojnë Sopoti, Labëria dhe Butrinti. Skuadra nga Librazhdi ka bërë detyrën kundër Mirditës së vendit të fundit, duke fituar me rezultatin e pastër 0-2. Llojko dhe Seferi ishin autorët e golave dhe Sopoti vazhdon të mbajë në presion Shkumbinin e vendit të parë.
Butrinti nuk ka pyetur për Skraparin, duke triumfuar 4-0. Dy prej golave u shënuan nga sulmuesi veteran Mario Gurma dhe sarandjotët nuk e lëshojnë vendin e parë në grupin B, por Labëria gjithashtu nuk ka gabuar.
Vlonjatët thyen 2-0 ekipin e Gramozit. Dhrami realizoi me penallti, ndërsa Çaushllari i vuri vulën në pjesën e dytë me golin tjetër. Sot u luajt edhe një derbi, me Memaliajn që mposhti me përmbysje Tepelenën me rezultatin 2-1.
Kategoria e Dytë, Java 10:
Grupi A
Mirdita-Sopoti 0-2
Grupi B:
Labëria-Gramozi 2-0
Memaliaj-Tepelena 2-1
Butrinti-Skrapari 4-0
