Presidenti i SHBA, Joe Biden ka shpallur gjendjen e katastrofës në Teksas, duke hapur rrugë për më shumë fonde federale, për t’i ardhur në ndihmë shtetit amerikan.
Temperaturat kanë shënuar një rritje të lehtë, por ende 13 milion njerëz vuajnë mungesën e energjisë elektrike dhe ujit të pastër.
Gati 60 vdekje i janë atribuuar motit të ftohtë në të gjithë SHBA.
Në një deklaratë nga Shtëpia e Bardhë, Biden tha se ai kishte urdhëruar më shumë ndihma federale për të ndihmuar shtetin të rimëkëmbet.
Ndihma përfshin strehim të përkohshëm dhe fonde për riparimin e shtëpive, hua me kosto të ulët për të mbuluar humbjet e pronave të pasiguruara dhe programe të tjera për të ndihmuar individët dhe pronarët e bizneseve që të rimëkëmben.
