Një sherr raportohet të ketë ndodhur paraditen e sotme në zonën e njohur si ish-Blloku në Tiranë.
Sipas raportimeve, në konflikt janë përfshirë dy persona për një vend parkimi. Ngjarja ka ndodhur pranë Fakultetit të Drejtësisë. Njëri prej tyre ka qëlluar tjetrin me qytën e pistoletës.
Ky i fundit mësohet se ka mbetur i plagosur lehtë. Ndërkaq, në konflikt janë përfshirë edhe persona të tjerë.
Autori është identifikuar, por ende nuk është bërë e mundur kapja e tij nga policia, raporton abcnews.
Mësohet se personi që ka mbetur i plagosur ishte në automjet bashkë me gruan.
