Situatë shqetësuese raportohet në Sarandë sa i takon përhapjes së koronavirusit. Gjatë ditëve të fundit janë rritur ndjeshëm infeksionet.
Vetëm një ditë më parë janë konfirmuar 43 raste të reja me COVID-19. Gjithashtu ka pasur kërkesë të shtuar për të bërë tampone.
Nga ana tjetër në spitalin e spitalit është bërë gati një pavijon dedikuar pacientëve me koronavirus.
Gjithashtu, mësohet se nesër stafi mjekësor do të niset drejt Vlorës për t’u vaksinuar.
Situata në vend vijon të jetë alarmante. Në 24 orët e fundit, Ministria e Shëndetësisë raportoi për 1112 raste të reja dhe 17 të vdekur. 991 qytetarë e kanë mposhtur sëmundjen. Deri tani janë vaksinuar 736 persona.
