Katastrofa që ka shkaktuar vërshimi i ujërave në zonën e Shkodrës pas reshjeve, nga lumenjtë, nga liqeni, nga prurjet e HEC-eve shfaqet qartë në këto pamje të marra sot.
Në ditën e 43- të të përmbytjeve në njësinë administrative Ana e Malit, rruga e Obotit vazhdon të mbetet e mbuluar nga uji, por pas 10 ditëve, sot me një makinë të lartë të Forcave të Armatosura, u bë e mundur të hyhet për të ndihmuar njerëzit e bllokuar në Obot.
Pre mbi një muaji, kryetarja e Bashkisë së Shkodrës Voltana Ademi ka insistuar dhe insiston për shpalljen e gjendjes së fatkeqësisë natyrore në tre njesi administrative.
