Nga Boldnews.al
Gjatë udhëtimit në SHBA, propaganda e Rilindjes e shiti vizitën e Ramës sikur kishte shkuar për të siguruar vaksinën Pfizer. Dhe kur shumë qytetarë prisnin koli të tëra me vaksina, kryeministri u kthye me një thes rrobash dhe bojëra për pikturat e tij. Ka premtuar shumë, por deri tani janë sjellë vetëm 9 mijë vaksina, të vlefshme për vetëm 4500 persona. Me kaq nuk vaksinohet as personeli shëndetësor që është në përballjen e përditshme me Covid-19, por një deklaratë më shumë se diskrimuese është dhënë sot nga kreu i qeverisë.
“Do vazhdojmë me një numër tjetër të moshuarish që janë personalitete që duhet t’i mbajmë sa më mirë dhe jo thjesht të kujtohemi kur vdesin e të mbajmë fjalime”, tha Rama, ndërsa shihte me sy kamerat. Po kush është ky individ që e përcakton se sa vlen jeta e një personaliteti dhe e një qytetari të thjesht?
Në protokollet botërore, vaksinimi ka pasur një grafik të qartë. Fillimisht janë vaksinuar personeli mjekësor, grupet e tjera të riskut (përfshi edhe punonjësit e policisë), më pas personat që janë në Shtëpitë e të Moshuarve, ata mbi 75 vjeç dhe me radhë, duke ndjekur një grafik të qartë, ku kriter ishte mosha dhe sëmundjet bashkëshoqëruese. Askujt nuk iu mohua vaksina në çdo vend të botës që e ka siguruar atë, por kryeministri Rama po përzgjedh një tjetër metodë.
Ai do të vendosë se cilët janë personalitetet e moshuar që do të vaksinohen. Ligji e ka të qartë se të gjithë qytetarët janë të barabartë në marrjen e çdo shërbimi, përfshi edhe atë shëndetësor, pa bërë dallime me moshën, gjininë, përkatësinë fetare, politike apo shoqërore.
Në këtë medotë, Rama ka marrë atributet si me “listën Shilder”, për të vendosur se cili do të jetojë dhe cili jo, kush do të marrë vaksinën dhe kush duhet të presë, ndoshta deri në vdekje nëse preket nga kjo sëmundje. Nuk dihet nëse kjo deklaratë vjen nga “efektet anësore” të vaksinës që vetë Rama ka injektuar, apo është një çoroditje e frikshme e mirëmenduar prej tij.
Nëse kjo metodë që paralajmëroi Rama do të aplikohej, atëherë do të jetë më shumë se diskrimuese, madje fort kriminale. Jeta e një pensionisti të thjesht, që ka derdhur gjithë jetën djersë në punë të rënda është e zhverësuar para një “personaliteti” që përzgjedh kryeministri.
Nuk ka rëndësi se cilët do të përfshihen në listën e tij, pasi diskriminimi duket i qartë dhe nëse nuk heq dorë nga kjo nismë atëherë gjithçka mund ti kthehet në boomerang. Ai është në krye të qeverisë për të mirëmënxhuar krizën e rëndë të pandemisë dhe jo të përzgjëdhë se cili do të jetojë dhe cili do të lihet të vdesë!
