Porto ka arritur një fitore të rëndësishme 2-1 përballë Juventusit në “Estádio do Dragão”. Dy minutat e para të dy pjesëve kanë rezultuar fatale për bardhezinjtë të cilët pësuan 2 gola për shkak të përgjumjes së mbrojtjes.
Juventusi u shfaq pa ide në këtë takim ndërsa i vetmi moment pozitiv ishte në fund të ndeshjes ku shënoi një gol me anë të Chiesa, i cili mban në këtë mënyrë hapur mundësinë për t’u kualifikuar në fazën tjetër.
Në ndeshjen tjetër të mbrëmjes në Champions League, Borussia Dortmund ka treguar fuqinë e saj të vërtetë përballë Sevilla ku ka fituar në transfertë me rezultatin 3-2.
Gjermanëve iu desh vetëm pjesa e parë e takimit për të vulosur këtë takim, me Halaand që kthehet në formën e tij më të mirë. Tashmë verdhezinjve iu duhet të ruajnë këtë rezultat në ndeshjen e kthimit për të shpresuar për një kalim në fazën e 1/4.
