Edhe pse vijon të jetë në kërkim nga policia, duket se Fjolla Morina po e shijon jetën edhe në arrati. Ditën e të dashuruarve ajo e ka festuar në mënyrën më të mirë me partnerin e saj, Fisnik Syla.
Ky i fundit i kishte përgatitur një surprizë shumë romantike, të cilën Morina e zbuloi përmes postimeve në rrjetet sociale. “Dashnia jem që më bën të lumtur gjithmonë. Faleminderit Fisnik”, shkroi Fjolla përkrah fotove.
Ndërsa në profilin e saj në “Instagram”, ajo ka postuar disa fotografi ku shfaqet e veshur me një fustan të kuq të shkurtër që i vë në pah format trupore. Por ndjekësit e këngëtares kanë kapur një detaj te barku i saj, i cili duket më i fryrë se zakonisht.
“A je shtatzënë se si shumë të paska dal barku. Urime shtatzënia”, janë disa nga komentet që shihen në foton në fjalë.
Këngëtarja është nënë e dy vajzave, Ledjana dhe Alayah, të cilat kanë një raport shumë të mirë me Fisnikun.
