Në Itali nuk kanë dyshime, Lautaro Martinez do të rinovojë me Interin në fundin e muajit shkurt. Raportohet se pas 3 takimeve në janar mes agjentëve të “demit” me dyshen Marota-Ausilio, marrëveshja u arrit.
Bëhet fjalë për një rinovim 3-vjeçar me një pagë 4.5 milionë në sezon plus bonuse. Gjithashtu është rënë dakord që të mos ketë një klauzolë largimi.
Gjithaccka do të bëhet zyrtare në fundin e muajit, kur Lautaro të kthehet në Itali, pas angazhimit me kombëtaren e Argjentinës.
Tek Interi ndërkohë po punojnë për të rinovuar edhe me Nilolo Barelën dhe Alesandro Bastoni. Këtij të fundit duan t’ia zgjatin kontratën deri më 30 qershor të vitit 2024, si dhe pagën t’ia çojnë 2.5 milion euro. Kujtojmë që Bastoni është shndërruar në një titullar të padiskutueshëm te skuadra e Kontes, duke fituar besimin e plotë të trajnerit dhe drejtuesve.
