Ekipi i Partizanit është në krye të renditjes sa i takon golave të shënuar. Para se të luhej java e 19-të në Kategorinë Superiore, Vllaznia dhe “demat” e Dajës kishin të njëjtën kuotë golash të shënuar.
Të dyja ekipet e kreut, kishin shënuar nga 25 gola. Vllaznia arriti të fitojë me rezultatin e ngushtë 1-0 kundër Apolonisë, duke u ngjitur në kupton e 26 golave, ndërsa Partizani i shënoi 3 Kastriotit në transfertë, duke u bërë sulmi më i mirë në Superiore me 28 gola të shënuar.
Golashënuesi më i mirë te Partizanit është Jasir Asani me mesfushorin anësor që ka tundur 5 herë rrjetën në 11 ndeshje si titullar. 25-vjeçari ndiqet nga Tedi Cara i cili shpeshherë ka ardhur nga stoli dhe ka shënuar 4 herë.
