Teksa nga kryeministri Edi Rama dhe anëtarë të kabinetit qeveritar propagandohet për sukes në situatën e mirëmbajtjes së rrugëve gjatë fundjavës, bllokimi i akseve nga dëbora dhe mos-shfaqja e dorës së shtetit ka sjellë situata të rënduara.
Në një fshat të Dibrës, një e moshuar ka humbur jetën teksa të afërm e qytetarë të tjerë përqiqeshin të hapinin rrugën e bllokuar nga dëbora, në mënyrë që makina private me të cilin transportohej zonja, të mund të kalonte për të shkuar në spital. Por kushtet atmosferike dhe mungesa e dorës së shtetit nuk kanë qenë të favor dhe e moshuara nuk ka mundur të mbërrijë e gjallë në spital.
Ngjarja është shënuar pasditen e së Dielës në fshatin Limjan të Njësisë Admistrative Kastriot. E moshuara e sëmurë u hip në automjet për tu transportuar për në spitalin Rajonal Dibër, por rruga ishte e bllokuar.
Nga pamjet, duken të rinj e burra të fshatit që kanë ndihmuar për hapjen e rrugës me lopata, por ka qenë e pamundur të mundësonin lëvizjen në kohë të fuoristradës për në spialin e Peshkopisë, në mënyrë që të moshuarës ti shpëtohej jeta.
Fshati Limjan ndodhet vetëm 11 kilometra larg qytetit të Peshkopisë dhe ndoshta nëse institucionet do të ishin më të përgjegjshme, zonja e moshuar sot do të ishte ende në jetë.
