Stresi ka nisur një përplasje të ashpër me moderatoren Roza Lati, me të cilën gëzonte një marrëdhënie miqësore mjaft të ngushtë. Në Instastory, Stresi ka zgjedhur të postoje një video, ku Roza dëgjohet që ofendon partneren e tij, Kejsi, dhe mbi këtë video, Stresi ka reaguar ashpër.
“Roza si do ndiheshe të të ofendoj nënën ty??? S’mund ta bëj, të të ofendoj të dashurin, sepse i bie të ofendoj, dy-tre emra! Kejsin s’i vijnë as tek thembra vajza si ty,”– shkruan Stresi duke lënë të nënkuptohet se Roza është nga ato vajza që mban disa lidhje njëkohësisht.
Kujtojmë që, e ftuar tek “Rudina” pak ditë më parë, Roza Latit iu desh të zgjidhte një emoji për secilin nga personazhet që iu shfaq në ekran. Në fund, kur ngelën vetëm dy emoji, një të tregonte zemrën e kuqe dhe një që tregonte mu**n, në ekran doli reperi Stresi dhe Kejsi.
“Për Stresin kam një zemër, sepse kështu është si një zemër…për vajzën me ngelet kjo…në fakt nuk do të doja të kisha këtë, do të doja t’i vija një emoji inati, por kjo më ngeli,”– tha Roza.
