Presidenti i Republikës Ilir Meta, ka reaguar mjaft ashpër pas kaosit të krijuar ditët e fundit për shkak të motit të keq, ku me mijëra qytetarë u bllokuan në rrugë, ndërkohë që autoritet shtetërore nuk morën asnjë masë.
Me anë të një psotimi në Facebook, Meta thekson se moti i keq ishte paralajmëruar prej ditësh, ndërkohë që gjatë ditëve të acarit qeveria, dhe institucionet bënë shoë ndërsa qytetarët ishin të vetëm përballë acarit.
Sipas tij kompanitë koncensiosionare që kanë marrë miliona lekë për të reaguar në situata të tilla nuk kishin as kripë për rrugët.
Kreu i shtetit i ka bërë apel Ministrisë së Infrastrukturës së drejtuar ga Belind Balluku dhe gjithë institucioneve shqiptare që në këtë dotë të vështira të marrin masa për funizimin me ushqime për të gjithë shqiptarët e izoluar nga bora, ndërsa kërkon ndërhyrje emergjente në rrugë.
Postimi i plotë i Metës:
Prej ditësh kam kërkuar të merren masa për përballimin e pasojave nga reshjet e pritshme të dëborës.
Kujtoj se në datat 7-8 shkurt, Instituti i Gjeoshkencave, Energjisë, Ujit dhe Mjedisit paralajmëroi përkeqësimin e motit, shoqëruar me stuhi të forta. Ndërkohë Ministria e Infrastrukturës dhe Energjisë, jepte show me projekte në 3D, në vend që të merrte masat e nevojshme duke mbledhur drejtuesit e Autoritetit Rrugor Shqiptar dhe administratorët e kompanive private, me detyrime kontraktore.
Në datat 12-13 shkurt rezultoi se asnjë kompani private, as ARRSH dhe as Agjencia për Mbrojtjen Civile nuk kishin kapacitetet njerëzore dhe teknike, si borëpastruese, fadroma e traktorë, në segmentet rrugore për të operuar qysh në orët e para të dëborës dhe stuhisë, duke i braktisur njerëzit e bllokuar në automjete, që qarkullonin në rrugë.
Kompanitë kontraktore, rezultuan të mos kishin as rezerva kripe edhe pse kanë përfituar miliona euro kontrata ku deklarohen dhjetëra automjete motorike moderne për operacione në periudha dimri dhe mirëmbajtje rutinë të akseve rrugore.
Duke ju referuar edhe paralajmërimit të bërë sot nga IGJEUM, për ngricat që mund të krijojnë probleme të ndryshme dhe vështirësi në transportin rrugor, përsëris apelin drejtuar Ministrisë së Mbrojtjes, Ministrisë së Infrastrukturës e Energjisë, Ministrisë së Brendshme dhe Ministrisë e Bujqësisë për të vendosur komunikimin me strukturat vendore dhe për të përmbushur detyrimet ligjore në ndihmë të popullatës në nevojë, duke marrë të gjitha masat efikase për furnizimin me bazën e nevojshme të ushqimeve, evakuimin në rastet kur kërkohet, si dhe për të garantuar funksionimin normal të akseve rrugore.
MBROJTJA E SHËNDETIT DHE JETËS TË ÇDO QYTETARI DUHET TË JETË PRIORITET ABSOLUT!
