Menjëherë pas humbjes 3-1 të pësuar në San Siro, trajneri i Lazios, Simone Inzaghi komentoi mbi penalltinë e akorduar Interit pas 20 minutash që hapi lojën:
“Unë e pashë atë përsëri tani. Djemtë janë të hidhëruar sepse arbitri vendosi menjëherë në vend që ta shihte përsëri … Arbitri ishte shumë i vendosur për të shkuar direkt te penalltia.
Pastaj kishte edhe një konsultë, por djemtë nuk e pranuan atë. Kur mbaroi pjesa e parë u thashë djemve se nëse do të ishte parë 10-12 herë mbase mund të jepej, por Fabbri e dha menjëherë pas 2-3 sekondash sikur të ishte një vendim i paralajmëruar”.
“Na vjen keq, sepse nuk meritonim këtë rezultat të thellë, për ata që panë ndeshjen”.
