Metush Seferi, ish-presidentit i Tiranës, ndërroi jetë ditën e sotme si pasojë e komplikacioneve të shkaktuara nga Covid-19.
Seferi mbylli sytë përgjithmonë në moshën 70-vjeçare. Bardheblutë i drejtoi në vitet 1993-1998, periudhë kur Tirana u rikthye të trofetë pas një periudhe të vështirë gjatë komunizmit.
Mesazhet e ngushëllimit për familjarët nuk kanë munguar. Presidenti i FSHF-së, Armand Duka ka reaguar me anë të një postimi në rrjetet sociale. “Një tjetër humbje në botën e futbollit na trishton sërish.
Virusi i mori jetën Metush Seferit, ish-Presidentit të Tiranës, që fatkeqësisht nuk ia doli të fitojë betejën me virusin Covid-19. Metushi dha një kontribut të vyer në radhët e skuadrës kryeqytetase në vitet ’90 duke fituar disa tituj kampion, e duke mbetur në mendjet e tifozëve të Tiranës.
I shpreh ngushëllimet më të sinqerta familjes, të afërmve dhe miqve të tij. Familja e futbollit do ta kujtojë si nja nga kontribuuesit e çmuar të futbollit kryeqytetas dhe atij shqiptar. I paharruar qoftë kujtimi i tij!“, shkruan Armand Duka.
