Kategoria Superiore po i afrohet fazës së nxehtë teksa ditën e sotme është mbyllur java e 19-të. Në fakt ky raund ndeshjesh u hap ditën e djeshme me sfidën Teuta-Skënderbeu. Skuadra durrsake fitoi me rezultatin e pastër 2-0 falë golave të Vilës dhe Karabecit përkatësisht në minutat 32’ dhe 94’.
Ndërkohë ditën e sotme, u luajtën 4 sfida. Sytë e sportdashësve ishin përqendruar tek takimi Tirana-Kukësi e luajtur në “Selman Stërmasi”. Verilindorët arritën një fitore të madhe 0-2 duke I parakaluar bardheblutë në renditje.
Vllaznia kryesuese fitoi minimalisht 1-0 ndaj Apolonisë duke ruajtur avantazhin prej 6 pikësh me ndjekësin më të afërt, Partizani. Të kuqtë nga ana tjetër mposhtë Kastriotin 0-3 falë golave të Junior 65’, Asani 78’ dhe Lucas Cordeiro 84’.
Sfida tjetër mes Bylisit dhe Laçit përfundoi 0-1 në favor të kurbinasve. Gjithsesi kjo ndeshje do të mbahet mend për një sherr masiv në fushën e lojës. Gjithçka nisi me ndëshkimin e Kiryan Nwabuze me të kuq dhe në afërsi të tribunës ka plasur grushti.
Nuk kuptohen shumë detaje për momentin, por ra në sy gjakosje e zëvendës trajnerit të Bylisit, Bekim Kuli. Në minutat në vijim pritet të kemi më shumë detaje.
Superliga shqiptare kryesohet nga Vllaznia në kuotën e 40 pikëve. Ndjekin Partizani, Teuta dhe Laçi përkatësisht me 34 pikë 33 pikë dhe 33 pikë, ndërsa kampionët në fuqi, Tirana kanë zbritur në vendin e 6-të me vetëm 26 pikë të grumbulluara.
Kategoria Superiore, java e 19-të:
E Premte
Teuta-Skënderbeu 2-0
E Shtunë:
Bylis-Laçi 0-1
Kastrioti-Partizani 0-3
Tirana-Kukësi 0-2
Vllaznia-Apolonia 1-0
Klasifikimi:
