Një bandë që merrej me kontrabandimin e emigrantëve në Mbretërinë e Bashkuar u kap me dy çanta të mbushura me para, brenda të cilave kishte më shumë se 56,000 paund, të konsideruara si para të pista.
Tre shtetas shqiptarë erdhën në vëmendjen e policisë teksa hetonin një grup të krimit të organizuar që drejtonte ferma kanabisi në Newcastle dhe Gateshead.
Nevruz Gjini, Bieru Gjoni dhe Ledio Bicerri u vunë re kur dilnin nga një shtëpi në Gateshead, e cila po përdorej si epiqendër nga gangsterët.
Kur policia ndali Gjinin dhe Gjonin teksa udhëtonin me një Mercedes në A1, një çantë që përmbante 45,000 £ u gjet në bagazh.
Bicerri më vonë u ndalua gjithashtu, në një VË Passat dhe kishte më shumë se 11,000 £ në një çantë transporti.
Gjykata e Neëcastle Croën dëgjoi se 112,941 £ u gjetën në një shtëpi që ata kishin vizituar në Kitchener Street, Gateshead, por prona u përdor nga një numër kriminelësh dhe paratë nuk mund të konsiderohen plotësisht të tyre. Gjini, Gjoni dhe Bicerri fillimisht po përballeshin me akuza në lidhje me operacionin e kanabisit, por që u hoq për shkak të provave të pamjaftueshme.
Brenda shtëpisë, policia gjeti një kilogram kanabis dhe pastë të përdorur për të bërë amfetamina.
Ata gjithashtu gjetën shënime të lidhura me kultivimin e kanabisit dhe një dokument i ngjashëm iu gjet edhe Gjinit.
Kur Bicerri u intervistua nga policia, ai dha një deklaratë të përgatitur duke thënë se ishte kontrabanduar në vend në janar të vitit të kaluar dhe kishte “shpërndarë paketa” për të paguar borxhet, por nuk e dinte se çfarë ishin ato.
Gjini tha se kurrë nuk kishte qenë në shtëpi më parë dhe Gjoni pretendoi se kishte shkuar në zonë një ditë më herët për të punuar në një restorant. Ai tha se kishte hyrë në Mbretërinë e Bashkuar në mënyrë të paligjshme dhe kishte punuar si punëtor.
Bicerri, 22 vjeç, Gjini, 28 vjeç dhe Gjoni, 33 vjeç, të dy pa adresë fikse, të gjithë u deklaruan fajtorë për posedim të pasurisë kriminale dhe pastrimit të parave.
Ata u burgosën për 16 muaj, por do të lirohen nga burgu pasi kryen tetë muaj paraburgim.
