Policia ka gjobitur me 5 milionë lekë të vjetra secili, përfaqësuesin e Partisë Demokratike Shkallnur, Arapaj, Fatmir Muça dhe përfaqësuesin e PD Manëz, Agim Cani.
Sipas një njoftimi zyrtar, policia e Durrësit bën të ditur se janë ndëshkuar me masë administrative 5.000.000 lekë secili, 2 përfaqësues të subjekteve politike në Manzë dhe Shkallnur, të cilët kanë organizuar aktivitete politike në kundërshtim me Aktin Normativ.
Gjithashtu është ndëshkuar me masë administrative 1.000.000 lekë, pronari i një subjekti privat në Sukth, i cili lejoi zhvillimin e një aktiviteti politik në subjektin e tij.
Policia tha se ka ndëshkuar me masë administrative me nga 1.000.000 lekë, pronarët e 2 subjekteve, të cilët u konstatuan duke ushtruar aktivitet pas orarit të vendosur për mbyllje.
Gjobat e aplikuara nga policia ndaj partive politike, për takimet që zhvillojnë u paralajmëruan nga Kryeministri Edi Rama, i cili pak ditë më parë kërkoi nga forcat e rendit që të gjobisin cilindo që shkel rregullat anti-Covid.
