Në ditën e parë të masave të reja shtrënguese, ku i gjithë vendi duhet të mbyllet në orën 20:00 të mbrëmjes, gjobave të Policisë nuk i ka shpëtuar as djali i ish-kryeministrit Aleksandër Meksi.
Redon Meksi ka marrë gjobë për thyerje të rregullave anti-Covid, pasi është konstatuar jashtë banesës pas orës 8. Në një postim në FB, Redon Meksi ka publikuar dhe fletën e gjobës, shoqëruar me një status ironik, ku thotë arsyen pse ishte në rrugë gjatë orës policore.
Në fletën e gjobës madje ai ka lënë edhe një shënim ku thuhet: nuk ka asnje akt te botuar ne fletore zyrtare.
“Kaloi ora 20.00, kur cte shoh me kishte mbaruar letra higjenike. Thash po dal njehere verdall se do me japi ndonjeri… dhe ne fakt ashtu ndodhi , me dha nje polic kete copen e letres 😂😂😂
pertej shakase, nuk ka asnje akt te botuar ne fletore zyrtare per uljen orarit te shtetrrethimit ne 20.00, dhe pervec kasaj konstatohem ne shkelje te urdherit 616 dt 09.11.2020, i cili kufizon orarin 22.00-06.00
ps: sorry per shkrimin , pervecse ishte fleta e dyte, kisha qenin ne njeren dore , i cili i ka pak bezdi uniformat 😂😂😂”, shkruan Meksi në postimin në rrjetet sociale.
