Linja e veshjeve të Rihanna-s, “Fenty Fashion House” është pezulluar për një kohë të pacaktuar. Marka që u lancua më pak se dy vjet më parë është pjesë e konglomeratit francez të modës LVMH – shtëpia e Louis Vuitton, Dior, Givenchy, Marc Jacobs dhe emrave të tjerë të markave të nivelit të lartë.
Por, tashmë LVMH dhe Rihanna kanë rënë dakord të pezullojnë linjën e modës për një kohë të pacaktuar. “Rihanna dhe LVMH kanë marrë vendimin për të ndaluar aktivitetin RTW me qendër në Evropë, në pritje të kushteve më të mira”, thuhet në deklaratën e kompanisë.
Sipas mediave të huaja, shkak për këtë vendim mund të jenë bërë sfidat e vazhdueshme për shkak të pandemisë. Sidoqoftë, në vend të kësaj konglomerati do të përqendrohet në linjën e bukurisë Fenty Beauty dhe Fenty Skin. Ylli i muzikës pop bëri histori si gruaja e parë me ngjyrë që lancoi një shtëpi mode nën markën LVMH.
