Është mbyllur në barazim pa gola pjesa e parë mes Bayern Munich (Gjermani) dhe Tigres (Meksikë), e vlefshme për finalen e Kupës së Botës për klube.
Në finalen që po luhet në Katar në stadiumin “Al Rayyan”, skuadra gjermane është shfaqur dominuese në fushën e lojës duke tentuar disa herë të shënojë. Në fakt, skuadra e Flick arriti të gjente rrugën e rrjetës në minutën e 18-të me anë të Joshua Kimich, por goli u anulua pas ndërhyrjes së sistemit VAR.
Një supergol që është prishur nga Robert Lewandowki. Fillimisht arbitri ka akorduar por më pas, pasi është parë në VAR, lëvizja e polakut përpara portierit, në trajektoren e topit, ka qenë vendimtare, pasi ishte në pozicion të parregullt.
Tashmë skuadrat do të tentojnë gjithçka në pjesën e dytë, Bayern Munich për të shkruar historinë dhe për të arritur trofeun e 6-të sezonal, ndërsa Tigres për të bërë suprizën e madhe.
