Është 33-vjeç por në kuadratin e Partizanit ka treguar se është siguria që i duhet çdo mbrojtje të një skuadre futbolli.
Alban Hoxha, portieri i përfaqësueses shqiptare ka bërë një performancë të kënaqshme në këtë gjysmë të parë të këtij sezoni. Statistikat shkojnë në të njëjtën linjë me paraqitjen e tij në fushën e blertë. Ai mban vendin e parë në penalltitë e pritura në këtë edicion futbollistik, teksa pas tij renditet Visar Bekaj i Tiranës.
Partizani ka marrë katër 11 metërsha kundër, dy prej të cilave janë pritur pikërisht nga ai. Kundër Tiranës janë akorduar dy penallti, një është pritur nga Bekaj. Sikurse “gardiani” bardheblu kanë bërë edhe Stivi Frashëri, Isli Hidi, Pano Qirko dhe Mario Dajsinani. Sakaq Harizaj, Zogoviç, Tafas dhe Alen Sherri nuk kanë mundur të presin asnjë 11-metërsh në këto 18 javë të luajtura.
