William Cordeiro Melo është një nga lojtarët që po shkëlqen në ndeshjet e fundit me Partizanin. Mesfushori brazilian ka arritur të fitojë besimin e trajnerit Ilir Daja dhe në çdo takim, jep maskimumin e tij.
Gjithsesi e ardhmja e brazilianit, është në dilemë dhe këtë ai e tregon në një intervistë të dhënë për shtypin e shkruar. Ka arritur kuotën e 50 ndeshjeve me fanelën e kuqe dhe kur pyetet nëse do të jetë tek të kuqtë deri në sfidën e 100-të, përgjigja e tij lë gjithçka pezull.
“Nuk e di, unë kam kontratë deri në maj, pra ka edhe 18 ndeshje të tjera. E shoh disi të vështirë, por jam shumë i lumtur që kam arritur të luaj 50 ndeshje“, ka thënë ai.
