Komiteti Teknik i Ekspertëve ka vendosur të afrojë orën policore nga 22:00 në 20:00.
Masa e re nis nesër, më datë 11 shkurt dhe do të zgjasë për 14 ditë.
Nga masa e re përjashtohen lëvizjet për arsye pune ose për emergjenca mjekësore.
I njëjti orar vlen edhe për baret dhe restorantet, ndërsa përjashtohen nga ky rregull shërbimi delivery.
MASAT
- Ndalimi i qarkullimi t nga ora 20:00 deri në 06:00 për 14 ditë, duke filluar nga nesër deri më 25 shkurt.
- Ndalimi i aktivitetet të të bareve dhe restoranteve nga ora 20:00 deri në 06:00
- Shkollat e mesme në zonat e riskut të lartë, Tiranë, Fier, , Vlorë, Berat, Durrës, Gjirokastër dhe Kazmës do aplikojnë skenarin online
- Sezoni i provimeve për universitetit rekomandohet të zgjatet, kombinim online dhe në monitor i provimeve
Sipas ministres së Shëndetësisë, Ogerta Manastirliu, gjatë ditëve të fundit ka patur një shtim të misioneve të urgjencës kombëtaredhe kjo situatë ka sjellë shtim të të shtuarve në spitale dhe shtimin e pacientëve në terapi intensive.
“Jemi në një kohë kur kemi shtim të infektimeve, kemi ulje të moshës të të prekurve dhe si pasojë e relaksimit pas festave të fundvitit dhe periudhës më pas. Kjo ka sjellë për pasojë një shtim të misioneve të Urgjencës sonë Kombëtare, të misioneve në banesë, të transferimit në spitale dhe sigurisht kjo situatë në ditët e fundit ka sjellë shtim të rasteve në spitale dhe shtim të pacientëve në terapi intensive”, u shpreh Manastirliu gjatë fjalës së saj.
Një ditë më parë, Ministria e Shëndetësisë raportoi për 1239 raste të reja infektimi dhe 16 viktima. Ndërsa nga nisja e pandemisë vendi ynë numëron 87528 të infektuar dhe 1488 të vdekur.
