Pak ditë më parë përdoruesit e Whatsapp në Shqipëri u vunë në alarm, pasi hakerat përmes një mesazhi në celularin e tyre synonin që tu merrnin të dhënat personale.
Pas këtij alarmi reagoi dhe policia e cila ftonte qytetarët që të mos kthenin përgjigje pas, duke ju dhënë numrin 6 shifror që mbërrinte në celularin e tyre, personit që ua kërkonte atë përmes Whatsapp.
Për programuesin (IT) Gentian Progni vjedhja e llogarive të Whatsapp po bëhet për qëllim fushate.
I ftuar në Opinion ai sqaroi se aktualisht po sulmohet llogaritë e personazheve publikë dhe gazetarëve politikë, me qëllim denigrimin e tyre gjatë fushatës elektorale.
Pjesë nga biseda:
IT: Kjo që po ndodh nuk është e rastësishme, po vidhen informacione para fushate.
Fevziu: Si para fushata?
IT: Unë kam informacion se kjo ka lidhje me fushatën. Domethënë informacionet që po vidhen do përdoren gjatë fushatës për të denigruar imazhe publike.
Fevziu: Hakerat ka ndodnjë informacion nga janë?
IT: Për momentin informacioni ëhstë rus dhe turk.
Fevziu: Çfarë duan rusët dhe turqit me zgjedhjet tona?
IT: Informacioni lidhet me zgjedhjet sepse të gjithë personat që po virusohen aktualisht janë ose gazetarë politikë, ose persona që lidhen në zyrën e shtypit të partive politike
