Partizani do të luajë të shtunën kundër Kastriotit në transfertë, ndeshje e vlefshme për javën e 19-të të Superiores.
Të kuqtë kanë zhvilluar seancën e radhës stërvitore nën urdhrat e trajnerit Ilir Daja. Rron Broja është i vetmi që do të mungojë në këtë takim. Në kanalin zyrtar të klubit të Partizanit bëhej me dije:
“Skuadra vijon përgatitjet për ballafaqimin e radhës ndaj Kastriotit i vlefshëm për javën e 19-të të kategorisë superior. Seanca e radhës është zhvilluar në orën 11:30, si zakonisht në ambientet e kompleksit “Football Republic”. Nën urdhrat e trainerit Daja janë stërvitur normalisht të gjithë lojtarët.
Për sfidën ndaj Kastrotit i padisponueshëm do të jetë mesfushori Broja i pezulluar për shkak të kartonave, ndërkohë rikthen pas skualifikimeve mbrojtësi Bitri dhe sulmuesi Asani , duke plotësuar kontigjentin e grupit për takimin e së shtunës. Përgatitjet do të vijojnë të mërkurën me seancën e radhës në orën 11:30″.
