Brian Brown ishte një nga më të paguarit e Partizanit gjatë qëndrimit të tij 18 mujor në kryeqytet, por në asnjë moment ai nuk e justifikoi investimin e bërë për të dhe në fund të kuqtë vendosën të ndërpresin kontratën me xhamaikanin gjashtë muaj para përfundimit të saj.
Pas disa ditësh nga largimi nga të kuqtë, sulmuesi ka gjetur klubin e ri dhe është zyrtarizuar ditën e sotme. Ai është rikthyer në Amerikë dhe do të jetë pjesë e ligës së dytë të Shteteve të Bashkuara nën ngjyrat e Neë Mexico United.
Lajmin e bën të ditur vetë klubi amerikan, që njofton firmën me 28-vjeçarin, që te Partizani erdhi me shumë bujë, madje të kuqtë paguan për ta sjellë në vendin tonë. Brown e mbylli aventurën te Partizani me vetëm një gol në Superiore dhe katër në Kupën e Shqipërisë.
View this post on Instagram
