Autoritetet policore italiane kanë ekzekutuar mëngjesin e sotëm operacionin e koduar “Lockdown”, i cili ka çuar në shkatërrimin e një grupi kriminal me aktivitet në trafikun e lëndëve narkotike.
Operacioni ka çuar në ekzekutimin e 24 masa ndalimi mes të cilëve dhe shtetas shqiptarë, raportuan mediat italiane.
18 persona janë vënë në pranga e 6 të tjera në arrest shtëpiak.
Grupi kriminal ishte i organizuar në tre nivele dhe shqiptarët kishin rolin e furnizimit me marijuanë, hashash e kokainë. Dy nivelet e tjera ishin përbërë kryesisht nga shtetas italianë.
Aktiviteti kriminal i tyre shtrihej në territorin e provincave të Milanos, Monzës,Torino, Bergamo e Sassari.
Të arrestuarve u janë sekuestruar para, monedha ari, automjete, si dhe një stallë kuajsh e blerë nga paratë e drogës.
Gjatë operacionit “Lockdown” janë denoncuar dhe mjaft klientë konsumatorë të lëndëve narkotike.
