Një sëmundje misterioze që bën pacientët të vjellin gjak ka vrarë të paktën 15 persona në Tanzani, ndërsa më shumë se 50 persona janë shtruar në spital në jug të vendit për shkak të gjendjes së tyre të rëndë.
Ndërkohë, zyrtarët shëndetësorë janë shprehur se disa pacientë kryesisht burra, kanë humbur jetën brenda disa orësh nga shfaqja e simptomave. Shkaku i sëmundjes së tyre nuk është identifikuar ende, por Ministria e Shëndetësisë së Tanzanisë ka përjashtuar një pandemi.
Mostrat e ujit vendas dhe gjakut të pacientëve po testohen nga qeveria. Ekzaminimet fillestare klinike zbuluan se pacientët, vuanin nga ulçera në stomak dhe sëmundje të mëlçisë.
Zyrtarët qeveritarë thanë se simptoma të ngjashme “goditën” rajonin në vitin 2018. Ministri i Shëndetësisë u bëri thirrje njerëzve të qëndrojnë të qetë, ndërsa Presidenti i vendit John Magufuli pretendoi se Covid ishte ndaluar plotësisht në Tanzani për shkak të fuqisë së lutjes.
