Ish-pjesëmarrësi i spektaklit dating “It’s My Love”, Qëndrim Pllana, akuzoi pak ditë më parë autorin e këtij spektakli Kreshnik Hysaj, i njohur si Kika, për dhunë dhe tentativë përdhunimi gjatë qendrimit në kompleksin “Fafa” në Golem të Kavajës. Ai tha se gjithçka ka ndodhur teksa ishin në një vizitë së bashku me stafin e emisionit në Shqipëri.
Në një reagim për T7, Kika i mohoi këto akuza duke dhënë versionin e tij të ngjarjes, por nuk është mjaftuar me kaq duke nxjerrë në Instagram një postim ku shahen gazetarët.
Ai ka publikuar një mesazh të një gruaje që ka shpërthyer në akuza ndaj gazetarëve. “Flm Vjollca” ka shkruar Kika derisa ka publikuar mesazhin.
Pllana tha dy ditë më parë se ishte dhunuar nga stafi i emisionit “It’s My Love” me në krye Kikën duke theksuar se tentuan edhe ta përdhunonin. Sipas Pllanës, ai thirri policinë por stafi i kompleksit “Fafa” nuk e lejuan që të futej në ambientet e hotelit.
