Autoritetet shëndetësore në Kongo janë në alarm pasi një grua ka humbur jetën nga virusi Ebola, për të cilin nuk kishin dëgjuar për një kohë të gjatë.
Nëntorin e kaluar u tha se beteja me këtë virus të rrezikshëm ishte fituar, por mesa duket jo.
Dega lokale e Institutit Kombëtar të Kërkimeve Biomjekësore konfirmoi praninë e virusit në mostrat e marra nga gruaja.
Ndërkohë, bashkëshorti i viktimës ishte gjithashtu i infektuar, por kishte arritur t’i mbijetojë sëmundjes.
Menjëherë ka nisur një hetim për këtë rast, që ka shqetësuar edhe Organizatën Botërore të Shëndetësisë.
Virusi Ebola, i njohur më parë si ethe hemorragjike Ebola, është një sëmundje e rrallë, por serioze dhe shpesh fatale që përhapet përmes kontaktit të drejtpërdrejtë me lëngjet e trupit, duke shkaktuar të vjella intensive dhe diarre.
