Kryeministri Edi Rama deklaroi sot nga Saranda se është anti-komunist dhe anti-fashist, ndërsa u shpreh se është progresist.
Rama tha se nuk ka qenë asnjëherë pjesë e Partisë së Punës, ndërsa shtoi se ai e ka denoncuar qysh në 1990 atë që PD kishte rënë në duar të gabuara.
“Jam progresist, kam qenë anti-komunist dhe anti-fashit”, tha Rama.
Referuar zgjedhjeve të 25 prillit, Rama tha se opozita ka paraqitur një program që i thotë njerëzve të hanë sapunin për djathë. “Ju thonë do pakësojmë qumështin, por do shtojmë djathin. Kjo është njësoj sikur ti thuash njerëzve të hanë sapunin për djathë”, tha Rama. Sipas tij, opozita drejtohet nga një kryetar një fle gjumë.
“E si mundet që njerëzit ti besojnë një kryetari që fle gjumë? Ata që s´duan të na japin votën ne, le të rrinë në shtëpi”, tha Rama.
Në kushtet kur s´ka një program për zgjedhjet e 25 prillit, madje i mungon edhe bilanci pozitiv për 8 vitet e qeverisjes, Rama i është kthyer batutave, pothuajse njëlloj si në zgjedhjet e 2017. Nuk është çudi që edhe në 2021, Kryemistri t´i kërkojë votat për mandatin e tretë ndoshta jo me tepsi dhe timon, por me barsaleta dhe batuta.
