Policia e Selanikut ka gjobitur për thyerje të masave për mos përhapjen e koronavirusit disa të rinj grekë.
Mediat fqinje shkruajnë se ata ishin mbledhur në një apartament në qendër të Selanikut dhe kishin bërë ‘party’ me muzikë të lartë, e cila u kthye në shqetësim për banorët e tjerë të pallatit.
Këta të fundit vendosën të lajmërojnë policinë. Me të ardhur policia në derën e banesës, pronari i apartamentit që ndodhej në kat të katërt, i kishte thënë dy vajzave që të kalonin në ballkonin e një fqinji në mënyrë që t’i shpëtonin gjobës.
Por sërish policia i pa vajzat dhe i gjobiti të tetë personat, që ishin të moshave nga 25 deri në 30 vjeç. Shtatë të rinj u gjobitën me 300 euro, ndërsa pronari i shtëpisë me 3000 euro.
