Një banesë është përfshirë nga flakët pasditen e kësaj të diele në fshatin Fiershegan të Lushnjës. Mësohet se flakët kanë rënë në banesën e 60-vjeçarit me inicialet V. Z.
Paraprakisht dyshohet se zjarri ka rënë si pasojë e një shkëndije elektrike. Për fat të mirë nuk ka persona të lënduar, por vetëm dëme materiale.
Shërbimi zjarrfikës dhe policia ndodhen në vendngjarje dhe po punojnë për zbardhjen e shkakut të rënies së zjarrit.
