Përballja e zhvilluar ditën e sotme mes Dinamos dhe Erzenit, e cila përfundoi me rezultatin 1-2 të skuadrës shijakase, mbylli javën e Kategorisë së Parë, Grupi A, ku nuk munguan surprizat.
Me fitoren e Burrelit dhe me disfarën e dinamovitëve, diferenca mes kryesuesve dhe vendit të dytë u ngushtua në vetëm 1 pikë. Ndryshime pati edhe për sa i përket fundit të renditjes, teksa Erzeni parakaloi Veleçikun që mbyll tabelën me vetëm 6 pikë.
Në garë për vendin e parë mbetet edhe Korabi pavarësisht humbjes ndaj Orikut. Diferenca e dibranëve me Dinamon e vendit të parë është 4 pikë, kur janë për t’u luajtur edhe shumë javë.
