Milutin Kërçiç, një nga ikonat e futbollit korçar që ka lënë shenjat e tij të pashlyeshme në historikun e klubit bardhekuq ka ndërruar jetë ditën e sotme.
Kërçiç po trajtohej nga ana shëndetësore në një spital në Mal të Zi, ku nuk mundi dot t’i mbijetonte sëmundjes së rëndë, duke u shuar në moshën 63-vjeçare.
I spikatur si futbollist në vitet ’70-të, Milutin Kërçiç ka mbetur në krenarinë e klubit ‘Skënderbeu’ si një prej lojtarëve më të talentuar që kontribuoi për arritjet e futbollit në Korçë.
Madje dhe si zëvendëstrajner Kërçiç, i dha një ndihmë të madhe klubit për të arritur sukses dhe në arenën ndërkombëtare.
