Një i ri shqiptar, pjesë e një bande grabitësish në Itali, është arrestuar në Belgjikë. Ai së bashku me tre persona të tjerë, mes të cilëve një grua, që akuzohet si organizatore, grabitën një çift më 4 maj 2019.
Mediat italiane kanë publikuar pamjet e momentit të grabitjes.
E ndërsa tre të tjerët u identifikuan dhe arrestuan, 30-vjeçari ishte në kërkim dhe tashmë është arrestuar në Belgjikë dhe do të ekstradohet në Itali ku do të përballet me drejtësinë.
Të maskuar dhe armatosur ata u ngjitën duke kapërcyer murin rrethues të vilës dhe shkatërruan sistemin e alarmit.
Pronarin e lidhën nën kërcënimin e armës dhe më pas i morën kasafortën me sende të çmuara me vlerë mbi 60 mijë euro.
Pavarësisht se për rreth një vit e gjysmë arriti që të zhdukej, në fund shqiptari u prangos në Belgjikë.
