Pavarësisht se PD dhe LSI me të gjitha gjasat do të shkojnë me lista të veçanta në zgjedhje, duket se drejtuesit politikë sipas qarqeve, të dy partive tashmë aleate, kanë nisur diskutimet për të koordinuar të gjithë veprimtarinë politike.
Kvshtu drejtuesi politik i PD në Korçë, Edmond Spaho dhe kandidati kryesor për qarkun nga LSI, Endrit Braimllari janë kapur sot duke pirë kafe ‘kokë më kokë’ në një nga lokalet e qytetit juglindor.
Duket se në Korçë nuk është prishur atmosfera opozitare, dhe Spaho me Braimllarin po bashkëpunojnë gjatë fushatës.
Në mesazhet publike që janë dhënë deri më tani, është thënë se partitë e opozitës do të bashkëveprojnë mes tyre, veçanërisht në strategjitë për mbrojtjen e votës.
