Kreu i federatës së spitaleve të Francës bëri thirrje të premten për një bllokim të ri mbarëkombëtar për të frenuar përhapjen e infeksioneve nga COVID-19.
Sipas France24, Frédéric Valletoux, i cili është gjithashtu kryebashkiak i Fontainebleau në jug të Parisit, i tha LCI TV se ndërsa situata në spitale ishte nën kontroll tani për tani, ajo mbetet “shumë e tensionuar” në shumë zona.
Valletoux foli një ditë pasi kryeministri Jean Castex tha se situata Covid-19 në Francë ishte “e brishtë” por nuk justifikonte një bllokim të ri për momentin.
Castex tha se shkalla e infeksionit nuk ishte rritur ndjeshëm gjatë dy javëve të fundit, edhe nëse presioni mbi spitalet franceze mbetet i fortë.
“Ne duhet t’i përmbahemi kufizimeve aktuale që kemi tashmë por situata sot nuk justifikon një bllokim të ri kombëtar”, ka thënë ai në një konferencë shtypi kryeministri.
Por fjalët e tij binin në kundërshtim me pikëpamjet e shprehura nga disa mjekë kryesorë francezë, raporton France24.
Të premten, kreu i sëmundjeve infektive në spitalin Saint Antoine në Paris tha se masat e reja për të frenuar përhapjen e infeksioneve ishin “të pashmangshme”.
