Transfermarkt ka bërë përditësimin e vlerave të ekipeve, pas merkatos. Në Kategorinë Superiore, Partizani merr kryesimin, me një vlerë rreth 5.58 milionë.
Të kuqtë kanë afruar në dritaren e transferimeve lojtarë si Ferhan Hasani, Stenio Junior apo dhe Dominguez. Blerje të tilla janë të mëdha për futbollin shqiptar, e kjo e ka shtuar shumë vlerën e Partizanit.
E dyta në renditje është Tirana me 5.3 milionë euro. Bardheblutë janë treguar të matur në merkato, teksa një goditje që ia vlen të theksojmë është ajo e Taulant Seferi, lojtarit të Kombëtares.
Në vend të tre-të është Laçi me 4.73 milionë euro. Kurbiansit kanë qëndruar vend-numëro këtë merkato, duke mos transferuar asnjë lojtarë. Këto janë tre vendet e para, teksa renditja mbyllet me Bylisin që ka vlerë 2.45 milionë euro.
Renditja
Partizani : 5.58 milionë euro
Tirana : 5.30 milionë euro
Laçi : 4.73 milionë euro
Kukësi : 4.38 milionë euro
Teuta : 4.10 milionë euro
Kastrioti : 2.85 milionë euro
Skënderbeu : 2.83 milionë euro
Bylis : 2.45 milionë euro.
