Ish-kryeministri Fatos Nano ka dhënë një intervistë në emisionin “Opinion”, e cila do të transmetohet mbrëmjen e sotme.
Mësohet se Nano ka bërë një rrëfim të veçantë për jetën e tij, pas 11 vitesh mungesë në televizion, ndërkohë që ka folur edhe për raportet me ish-kryeministrin Berisha, Presidentin Ilir Meta apo me Kreun e Qeverisë, Edi Rama.
Ndërkohë janë publikuar edhe pamjet e mbërritjes së Nanos në TvKlan, i cili ka shkuar me një mjet të llojit “Masserati”, me targa 007.
Të njëjtën targë, kanë pasur edhe automjetet e mëparshme të ish-Kryeministrit dhe liderit historik të socialistëve, gjatë kohës që ai ka mbajtur funksionet e larta qeveritare apo në krye të PS.
