Presidenti Ilir Meta u ka bërë një thirrje të rinjve, me rastin e Ditës Globale të Zgjedhjeve, që të marrin pjesë në atë që ai e quan “referendum historik të 25 prillit.”
Pjesëmarrja në zgjedhje, sipas Metës, është një mision patriotik. Më tej, ai i garanton qytetarët që është ai angazhuar që të mos lejojë askënd ta preke votën e tyre.
Thirrja e Ilir Metës
“Me rastin e Ditës Globale të Zgjedhjeve, u bëj thirrje të gjithë të rinjve dhe shqiptarëve, të marrin pjesë në referendumin historik të 25 prillit 2021.
Vota është fuqia e vërtetë e çdo qytetari, sidomos e të rinjve, që kërkojnë dhe mezi presin ndryshimin e madh.
Pjesëmarrja në zgjedhje, është një mision patriotik. Askush nuk duhet të mungojë!
I garantoj të gjithë shqiptarët se jam i vendosur dhe i angazhuar për të mos lejuar askënd të prekë votën e tyre!”
